Birləşmiş Ştatlar OPEC-in neft hasilatının gündəlik 500 barrel azalacağını güman edir
Bakı, 12 fevral, AZƏRTAC
ABŞ cari ilin mart-may aylarında OPEC-in xam neft istehsalının gündəlik 500 barrel azalacağını nəzərdə tutur.
AZƏRTAC xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb. Bildirilir ki, buna səbəb 2020-ci ilin əvvəlində qlobal neft tələbatının azalmasıdır.
OPEC-in neft hasilatının bu il gündəlik orta hesabla 28,9 milyon barrel olacağı gözlənilir ki, bu da əvvəlki proqnozla müqayisədə sutkada 300 min barrel azdır.
Qeyd edək ki, 2019-cu il dekabrın 6-da OPEC və qeyri-OPEC Nazirlərinin VII Görüşündə “OPEC+” üzrə gündəlik neft hasilatının əlavə olaraq 500 min barrel azaldılması barədə qərar qəbul edilib. Yeni “Əməkdaşlıq Bəyannaməsi”nə uyğun olaraq, Azərbaycanın öhdəliyi 7 min barrel artırılaraq 27 min barrel müəyyən edilib. 2020-ci ilin birinci rübünün sonunadək Azərbaycan gündəlik neft hasilatını 769 min barrel həcmində saxlamalıdır.
Bölmənin digər xəbərləri
