“Bloomberg”: Avstriya İranın nüvə agentliyi rəhbərinin BAEA-da çıxışına mane olub
Bakı, 14 sentyabr, AZƏRTAC
Avstriya hakimiyyəti İran Atom Enerjisi Təşkilatının rəhbəri Məhəmməd Eslamiyə ölkəyə giriş icazəsi verməyib.
AZƏRTAC xəbər verir ki, “Bloomberg”in məlumatına görə, bu səbəbdən Eslami Beynəlxalq Atom Enerjisi Agentliyinin (BAEA) Baş Konfransında çıxış edə bilməyəcək.
Məlumata görə, ABŞ Eslamiyə qarşı məhdudiyyətlərin saxlanılmasında israr edib. Nəticədə İranı konfransda daha aşağı vəzifəli rəsminin təmsil edəcəyi bildirilir.
ABŞ-nin energetika naziri Kris Raytın isə çıxışında Tehrana nüvə silahından imtina etməsi və BAEA ilə əməkdaşlığı davam etdirməsi barədə çağırış edəcəyi gözlənilir.
Qeyd edək ki, BAEA-nın Baş Konfransının 70-ci sessiyası sentyabrın 14-dən 18-dək Vyanada keçiriləcək.
Bölmənin digər xəbərləri
