BMU-da “CareerFest BEU 2025” karyera festivalı keçiriləcək
Bakı, 2 may, AZƏRTAC
Mayın 22-də Bakı Mühəndislik Universitetində (BMU) növbəti “CareerFest BEU 2025” açıq karyera festivalı keçiriləcək.
Universitetdən AZƏRTAC-a bildirilib ki, tələbələr üçün iş, təcrübə imkanları, habelə müxtəlif şirkətlərin insan resursları üzrə mütəxəssisləri ilə ünsiyyət qurmaq imkanı yaradacaq tədbir gənclərin öyrənmə maraqlarına uyğun gerçəkləşdiriləcək. Yeni rəng, yeni nəfəs, yeni maraqlar qatılan və açıq havada baş tutacaq festivalda gənclər interaktiv fəaliyyətlər, musiqili qonaqlar, oyunlar və əyləncəli təcrübələrlə dolu bir gün yaşamaq imkanı əldə edəcəklər.
BMU ilə yanaşı, ölkənin digər universitetlərindən minlərlə tələbə və məzun üçün açıq olan genişmiqyaslı innovativ “CareerFest BEU 2025”də iştirak etmək istəyən dövlət və özəl sektora aid müxtəlif qurumlar mayın 6-dək qeydiyyatdan keçə bilərlər. Həmçinin BMU-nun Müəssisələrlə Əlaqələr və Karyera Mərkəzinə müraciət etmək mümkündür.
Bölmənin digər xəbərləri
