BÖLGƏLƏRDƏ ƏHALİNİN ELEKTRİK ENERJİSİ İLƏ TƏMİNATI YAXŞILAŞDIRILIR
AZƏRTAC xəbər verir ki, 2008-ci ilin birinci yarısında respublikanın bölgələrində əhalinin fasiləsiz və keyfiyyətli elektrik enerjisi ilə təmin olunması istiqamətində işlər davam etdirilmiş, yeni yarımstansiya və transformatorlar quraşdırılmış, elektrik hava xətləri çəkilmiş, köhnə dirəklər yenisi ilə əvəz edilmiş, təmir və bərpa işləri aparılmışdır.
Yevlax rayonunda ümumi gücü 1 meqavat olan 5 ədəd transformator quraşdırılmış, 16-sı təmir edilmiş, 7 kilometr məsafədə elektrik hava xətləri çəkilmişdir. Rayon ərazisində əhali istehlak qrupu üzrə abonentlərin 98 faizi sayğaclaşdırılmış, enerji haqlarının ödənilməsi ötən ilin müvafiq dövrü ilə müqayisədə 18 faiz artmışdır. Şəbəkə üzrə elektrik enerjisinin dəyəri 68,8 faiz, o cümlədən əhali üzrə 96 faiz ödənilmişdir.
Bölmənin digər xəbərləri
