Bolqarıstan mətbuatında Azərbaycanın Qarabağ bölgəsində son gərginliklə bağlı məqalələr dərc olunub
Bakı, 31 mart, AZƏRTAC
Son dövr ərzində Azərbaycanın Qarabağ bölgəsində erməni silahlı qruplaşmalarının təxribatları nəticəsində baş vermiş gərginliklə bağlı Bolqarıstan mətbuatında dərc edilmiş məqalələrdə Azərbaycan Respublikasının Xarici İşlər Nazirliyinin və Müdafiə Nazirliyinin son açıqlamalarına istinad olunaraq bölgədə sülh və sabitliyin təmin olunması üçün üçtərəfli Bəyanatın bütün müddəalarının qeyd-şərtsiz icrasının önəmi qeyd edilib.
Azərbaycanın Bolqarıstandakı səfirliyindən AZƏRTAC-a bildirilib ki, məqalələrdə Rusiya Müdafiə Nazirliyinin bölgədə vəziyyətin gərginləşməsi ilə bağlı son açıqlamasının həqiqətə uyğun olmadığı vurğulanıb və Azərbaycan Müdafiə Nazirliyi tərəfindən məlumat verildiyi kimi, Azərbaycan tərəfinin operativ vəziyyətə nəzarət etdiyi diqqətə çatdırılıb.
Məqalələrdə Rusiya Federasiyası Müdafiə Nazirliyinin açıqlamasında “Dağlıq Qarabağ” ifadəsinin işlədilməsinin Azərbaycan Respublikasının beynəlxalq səviyyədə tanınmış və qəbul edilmiş ərazi bütövlüyü və suverenliyinə qarşı hörmətsizlik olduğu da bildirilib.
Bununla yanaşı, dərc olunmuş yazılarda Ermənistanın 30 il ərzində Azərbaycanın beynəlxalq birlik tərəfindən tanınmış ərazilərinin işğal altında saxlaması və 2020-ci ildə baş vermiş 44 günlük müharibə nəticəsində Azərbaycanın öz torpaqlarını işğaldan azad etməsi barədə də məlumat verilib.
Bölmənin digər xəbərləri
