Bolqarıstanda koronavirusa yoluxanların sayı artmaqda davam edir
Sofiya, 18 sentyabr, AZƏRTAC
Bolqarıstanda koronavirusa yoluxmaların sayı artmaqda davam edir. AZƏRTAC virusla əlaqədar yaradılan operativ qərargaha istinadla xəbər verir ki, son 24 saat ərzində 154 nəfərin virusa yoluxduğu təsdiqlənib. Yoluxanların ümumi sayı 18 min 544 nəfərdir. Hazırda xəstəxanada 744 nəfər, reanimasiya bölməsində isə 37 nəfər yerləşir. Sağalanların sayı 13 min 391, ölənlərin sayı 749 nəfərdir. Qeyd edək ki, Bolqarıstan hökuməti vətəndaşları məsafə saxlamağa, sanitar normalara riayət etməyə çağırır.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
