Böyük Britaniya ölkənin müdafiə sektorunun təftişinə başlayacaq
Bakı, 10 iyul, AZƏRTAC
Gələn həftə Böyük Britaniyanın müdafiə sektorunda strateji təftişlər başlayacaq.
AZƏRTAC xəbər verir ki, bunu Birləşmiş Krallığın Baş naziri Kir Starmer deyib. Onun sözlərinə görə, London ümumdaxili məhsulun 2,5 faizini müdafiə sektoruna sərf etməyi planlaşdırır.
İcmal nəticəsində Londonun üzləşdiyi təhlükələrin xarakteri, eləcə də onların aradan qaldırılması üçün lazım olan imkanlar nəzərdən keçiriləcək.
“Buraya Silahlı Qüvvələrin döyüş hazırlığının təşkili, müdafiə sahəsində tərəfdaşlığın gücləndirilməsi, silah sənayesi ilə bağlı yeni strategiyanın hazırlanması və satınalma islahatlarının həyata keçirilməsi daxildir”, - deyə Baş nazirin dəftərxanasından bildirilib.
NATO ölkələri və digər beynəlxalq tərəfdaşlarla müdafiə əlaqələrinin dərinləşdirilməsinə xüsusi diqqət strateji müdafiə icmalının mühüm elementi olacaq.
Bölmənin digər xəbərləri
