Böyük Britaniyada daha 12 məhbus səhvən azad edilib
London, 2 dekabr, AZƏRTAC
Böyük Britaniyanın ədliyyə naziri Devid Lemmi son üç həftə ərzində 12 məhbusun səhvən azad edildiyini, onlardan ikisinin isə hələ də tapılmadığını bildirib.
AZƏRTAC xəbər verir ki, bu ilin aprel–oktyabr ayları arasında 91 məhbus səhvən azad edilmişdi.
Nazir açıqlamasında bildirib ki, həbsxanalarda kağız üzərində aparılan idarəetmə sistemi insan səhvlərinə daha çox yol açır və tam rəqəmsal sistem tətbiq olunduqdan sonra vəziyyətin yaxşılaşacağı gözlənilir.
Məlumata görə, səhvən azad edilən məhbusların sayı son bir ildə kəskin artaraq 2023–2024-cü illərdəki 115 nəfərdən növbəti il 262 nəfərə yüksəlib. Nazir artımı etiraf edərək bildirib ki, bu rəqəmləri azaltmaq istəyir. O, həmçinin problemin əvvəlki Mühafizəkarlar hökuməti dövründə sistemdən 6 min əməkdaşın ayrılması ilə ağırlaşdığını qeyd edib.
London
Bölmənin digər xəbərləri
