Böyük Britaniyada sağlam ömür uzunluğu azalıb
London, 27 aprel, AZƏRTAC
Böyük Britaniyada insanların sağlam vəziyyətdə keçirdikləri illərin sayı son 10 ildə azalıb.
AZƏRTAC BBC-yə istinadla xəbər verir ki, sağlam ömür uzunluğu təxminən 2 il azalaraq həm kişilər, həm də qadınlar üçün 61 yaşdan bir qədər aşağı düşüb. Məlumata görə, Böyük Britaniya ən zəngin 21 ölkə arasında sağlam ömür uzunluğunun azaldığı 5 ölkədən biridir və bu azalma sürətinə görə 2-ci yerdədir.
Hesabatı hazırlayan “Health Foundation” bildirir ki, bu tendensiya iqtisadi baxımdan ciddi nəticələrə səbəb olur və mövcud vəziyyət dönüş nöqtəsi kimi qiymətləndirilməlidir. Araşdırmada yoxsulluq, qeyri-qənaətbəxş yaşayış şəraiti və piylənmə kimi həyat tərzi faktorları, eləcə də COVID-19 pandemiyasının təsiri əsas səbəblər kimi göstərilir. Təhlil 2012–2014 və 2022–2024-cü illər üzrə Milli Statistika İdarəsinin məlumatlarına əsaslanır.
İngiltərədə isə Londonun Riçmond bölgəsi sağlam ömür uzunluğuna görə ən yüksək göstəricilərə malikdir. Burada kişilər üçün bu göstərici 69, qadınlar üçün isə 70 yaş təşkil edir.
Bölmənin digər xəbərləri
