Böyük Britaniyada xərçəng xəstəliyinin geniş yayılacağı gözlənilir
London, 29 avqust, AZƏRTAC
Böyük Britaniyada xərçəng xəstələrinin sayının kəskin artacağı proqnozlaşdırılır.
AZƏRTAC “The Guardian”a istinadla xəbər verir ki, araşdırmaya görə, 2040-cı ilə qədər ölkədə hər iki dəqiqədə bir nəfərə xərçəng diaqnozu qoyulacaq.
Son 15 ildə bu ölkədə 5,5 milyon xərçəng xəstəsi qeydə alınıb. Növbəti 15 ildə isə bu rəqəmin 14,2 faiz artaraq 6,3 milyona çatacağı gözlənilir. Regionlar üzrə ən yüksək artımın cənub-şərq bölgəsində olacağı, 2040-cı ilə qədər burada 1 milyondan çox yeni diaqnozun qoyulacağı ehtimal edilir.
“One Cancer Voice” adlı 60 xərçəng xeyriyyə təşkilatını birləşdirən koalisiya hökumətə müraciət edərək, mövcud vəziyyətlə bağlı tədbirlər görməyə çağırıb. Təşkilatlar bildiriblər ki, yalnız bu yolla insanların həyatını xilas etmək və xərçənglə mübarizədə nəticələri yaxşılaşdırmaq mümkündür.
Araşdırmaçılar, həmçinin xəbərdarlıq edirlər ki, lazımi tədbirlər görülməsə, Milli Səhiyyə Xidməti bu məsələnin öhdəsindən gəlməkdə çətinlik çəkə bilər.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
