Böyük Britaniyanın Esseks Universitetində 20 Yanvar şəhidlərinin xatirəsi anılmışdır
London, 22 yanvar (AZƏRTAC). Böyük Britaniyanın Esseks Universitetində fəaliyyət göstərən Azərbaycan Cəmiyyətinin təşkilatçılığı ilə 20 Yanvar şəhidlərinin xatirəsini anım mərasimi keçirilmişdir.
Tədbirdə müxtəlif ölkələrdən tələbələrlə yanaşı, universitetin müəllim heyəti iştirak etmişdir.
Əvvəlcə şəhidlərimizin xatirəsi bir dəqiqəlik sükutla yad edilmişdir. Cəmiyyətin sədri Rəhman Baxışlı çıxış edərək bu qanlı faciənin tarixi, onu doğuran səbəblər barədə ətraflı məlumat vermişdir. O demişdir ki, 20 Yanvar hadisələri Azərbaycan tarixində təkcə faciə deyil, həm də xalqın qəhrəmanlıq səhifədir. R.Baxışlı belə tarixi hadisələrlə bağlı həqiqəti dünya ictimaiyyətinə çatdırmağın vacibliyini vurğulamış, bu məsələdə gənclərin rolunu xüsusi qeyd etmişdir.
Sonda 20 Yanvar hadisələrindən bəhs edən videoçarx nümayiş etdirilmişdir.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
