Britaniya hökumətinə məxsus məlumatlar kibermüdaxilə nəticəsində ələ keçirilib
London, 19 dekabr, AZƏRTAC
Britaniyada hökumətə məxsus məlumatların kibermüdaxilə nəticəsində oğurlandığı təsdiqlənib.
AZƏRTAC BBC-yə istinadla xəbər verir ki, bu barədə ölkənin ticarət naziri Kris Brayant bildirib. Nazirin sözlərinə görə, məlumatların ələ keçirilməsinə imkan verən boşluq artıq aradan qaldırılıb və hadisə ilə bağlı araşdırma davam edir. O qeyd edib ki, hazırda hücumun arxasında kimin dayandığı məlum deyil.
K. Brayant mediada yayılan və hücumun Çinlə əlaqəli hakerlər tərəfindən həyata keçirilməsi ilə bağlı iddialara da münasibət bildirib. O, bu məsələdə müəyyən fərziyyələrin mövcud olduğunu desə də, hazırda bunun təsdiqlənmədiyini vurğulayıb.
Nazir əlavə edib ki, məsələ ilə bağlı məlumatların mühafizəsi üzrə müvəkkil ilə məsləhətləşmələr aparılır. İlkin qiymətləndirmələrə əsasən, ayrı-ayrı şəxslərin məlumatlarının zərər görməsi riskinin aşağı olduğu bildirilir.
Bölmənin digər xəbərləri
