Britaniya ilə Sinqapur sərbəst ticarət müqaviləsi imzalayıb
London, 10 dekabr, AZƏRTAC
Böyük Britaniya və Sinqapur arasında sərbəst ticarət müqaviləsi imzalanıb.
AZƏRTAC xəbər verir ki, Sinqapurda təşkil edilən mərasimdə Britaniyanın ticarət Liz Truss və Sinqapurun ticarət naziri Chan Chun Sing müqaviləni imzalayıblar. Müqavilə 17 milyard funt sterlinqdən daha çox olan ticarət əlaqələrini əhatə edəcək. Razılaşma tarifləri ləğv edir və hər iki ölkəyə xidmət sahələrində bir-birlərinin bazarlarına çıxış imkanı verir.
Eyni zamanda, elektronika, avtomobillər və nəqliyyat vasitələri hissələri, əczaçılıq məhsulları, tibbi məhsullar və bərpaolunan enerji istehsalı üçün tarif olmayan maneələri də aradan qaldıracaq.
Böyük Britaniya Avropa İttifaqı ilə keçid dövrü bitdikdən sonra başqa ölkələrlə ticarət əlaqələri quracaq.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
