BSU “Regionlardan qəbul olunan qızlar üçün təqaüd proqramı” elan edir
Bakı, 21 iyul, AZƏRTAC
Bakı Slavyan Universiteti (BSU) 2025/2026-cı tədris ili üzrə “Regionlardan qəbul olunan qızlar üçün təqaüd proqramı” elan edir.
Bu təşəbbüs son 3 ilin statistikasına əsaslanaraq müxtəlif regionlardan BSU-ya az sayda qəbul olunan qız tələbələrin ali təhsil almaq imkanlarını genişləndirmək, onları stimullaşdırmaq və akademik inkişaflarını dəstəkləmək məqsədinə xidmət edir. Təqaüd proqramı 2023-cü ildə təsis edilib.
Bu barədə AZƏRTAC-a BSU-dan məlumat verilib. Bildirilib ki, daxili təqaüd proqramı aylıq 200 AZN olmaqla, həmin bölgələrdən müəllimlik ixtisasına qəbul olunan və 450-dən yuxarı bal toplayan 5 qız tələbə üçün nəzərdə tutulub.
Bölmənin digər xəbərləri
