Bu gün Azərbaycan Basketbol Liqasında VII tura yekun vurulacaq
Bakı,18 dekabr, AZƏRTAC
Bu gün Azərbaycan Basketbol Liqasında VII tura yekun vurulacaq.
AZƏRTAC xəbər verir ki, turun son günündə üç oyun keçiriləcək. Günə B qrupunda olan komandaların matçları ilə start veriləcək. “Quba” evdə “Gəncə”ni, “Ordu” isə "Sərhədçi" İdman Mərkəzində “Şəki”ni sınağa çəkəcək.
“Quba” – “Gəncə” görüşü saat 14:00-da, digər matç isə 15:00-da başlayacaq.
A qrupunda isə “Abşeron” “Sərhədçi” ilə qarşılaşacaq. Abşeron Olimpiya İdman Kompleksində təşkil olunacaq görüş saat 18:00-da başlayacaq.
Qeyd edək ki, turun əvvəl reallaşan oyunlarında "Sumqayıt" "Lənkəran"ı 108:99, "Naxçıvan" NTD-ni 95:77, "Neftçi" isə "Sabah"ı 71:66 hesabı ilə məğlub edib.
Bölmənin digər xəbərləri
