Bu gün futbol üzrə İtaliya kuboku turnirinin yarımfinal mərhələsinə start veriləcək
Bakı, 12 fevral, AZƏRTAC
Fevralın 12-də futbol üzrə İtaliya kuboku uğrunda turnirin yarımfinal mərhələsinə start veriləcək.
AZƏRTAC xəbər verir ki, mərhələnin birinci oyunu “Cüzeppe Meatsa” stadionunda təşkil olunacaq. “İnter” klubu “Napoli” komandasını qəbul edəcək. Görüş Bakı vaxtı ilə saat 23:45-də başlayacaq. İkinci qarşılaşmada əzəli rəqiblər - “Milan” və “Yuventus” klubları üz-üzə gələcəklər. Qarşılaşma fevralın 13-də saat 23:45-də başlayacaq.
Xatırladaq ki, “İnter” dörddədir final mərhələsində “Fiorentina”nı (2:1), “Napoli” isə “Latsio”nu (1:0) məğlub edib. “Yuventus” komandası “Roma”nı 3:1 hesabı ilə məğlub edərək yarımfinala vəsiqə qazanıb. “Milan” isə “Torino”dan üstün olub - 4:2.
Bu komandalar arasında cavab qarşılaşmaları martın 4-də və 5-də keçiriləcək.
İtaliya kuboku uğrunda turnirin reqlamentinə əsasən, yarımfinal mərhələsinə qədər qaliblər bir oyunun nəticəsinə əsasən müəyyən edilir.
Bölmənin digər xəbərləri
