Bu günədək Qazaxıstanda koronavirusa yoluxmuş 9 min 902 nəfər müalicə olunaraq sağalıb
Nur-Sultan, 18 iyun, AZƏRTAC
Qazaxıstanda koronavirusa yoluxmuş daha 186 nəfər sağalıb. Ölkənin Səhiyyə Nazirliyi koronavirusdan daha doqquz xəstənin ölümü barədə məlumat yayıb. Bu, epidemiyanın başlanğıcından bəri ölüm hallarının qeydə alındığı ən böyük artımıdır.
AZƏRTAC ölkənin Səhiyyə nazirliyinin məlumatına istinadla xəbər verir ki, paytaxtda altı, Almatıda iki, Çimkəntdə isə bir nəfər vəfat edib. Bununla da Qazaxıstanda koronavirusdan həyatını dəyişənlərin sayı 97 nəfərə çatıb. Pandemiya dövründə ölkədə koronavirus infeksiyasına 15 min 542 nəfər yoluxub ki, bunun da 9 min 902 nəfəri müalicə olunaraq sağalıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
