Bu il ABŞ-ın gündəlik neft hasilatı 11,3 milyon barrel olacaq
Bakı, 10 dekabr, AZƏRTAC
Birləşmiş Ştatların 2020-ci il üzrə gündəlik xam neft istehsalına dair proqnoz azaldılıb.
AZƏRTAC ABŞ-ın Enerji İnformasiya Administrasiyasının (EIA) məlumatına istinadla xəbər verir ki, bu il Birləşmiş Ştatların neft hasilatının gündəlik 11,34 milyon barrel olacağı nəzərdə tutulur. Əvvəlki proqnoz isə 11,39 milyon barrel idi.
Gələn il isə ABŞ-da neft hasilatının gündəlik 11,1 milyon barrelə düşəcəyi nəzərdə tutulur. Mart ayında 11 milyon barreldən aşağı enməsi gözlənilən gündəlik xam neft istehsalının ilin sonuna yaxın bərpa olunacağı nəzərdə tutulur.
Qeyd edək ki, Birləşmiş Ştatların gündəlik neft istehsalı 2019-cu ildə 12,2 milyon barrel olub. ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük xam neft istehsalçısı olub.
Bölmənin digər xəbərləri
