Bu il Azərbaycanda 37 nəfər ali təhsilli şəxs peşə təhsilinə üz tutub - EKSKLÜZİV
Bakı, 26 oktyabr, AZƏRTAC
2023/2024-cü tədris ili üzrə tələbə qəbulunda ümumilikdə 37 nəfər ali təhsilli, 151 nəfər orta-ixtisas təhsilli şəxs peşə təhsil müəssisələrinə qəbul olunub.
Bu barədə AZƏRTAC-ın sorğusuna cavab olaraq Peşə Təhsili üzrə Dövlət Agentliyindən bildirilib.
Qeyd olunub ki, ali təhsilli şəxslərin ən çox üz tutduğu ixtisaslar turizm və xidmət sahələridir.
Ali təhsilli tələbələr arasında Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, M.V.Lomonosov adına Moskva Dövlət Universitetinin Bakı filialı, Bakı Dövlət Universiteti kimi nüfuzlu ali təhsil ocaqlarının məzunları da yer alır.
Bölmənin digər xəbərləri
