Bu il mülkiyyət ilə bağlı 328 mindən çox çıxarış verilib
Bakı, 16 dekabr, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən cari ilin yanvar-noyabr ayları ərzində daşınmaz əmlak üzərində 328 min 61 mülkiyyət hüququ qeydiyyata alınaraq çıxarışla təmin edilib.
AZƏRTAC İqtisadiyyat Nazirliyi yanında Əmlak Məsələləri Dövlət Xidmətinə istinadla xəbər verir ki, qeydiyyata alınan mülkiyyət hüququnun 63 min 891-i (19,5 faiz) ilkin, 264 min 170-i (80,5 faiz) isə təkrar qeydiyyatın payına düşür.
Bu ilin yanvar-noyabr ayları ərzində fərdi yaşayış və bağ evi üzərində – 64 min 366, mənzil – 85 min 424, torpaq sahəsi – 166 min 494, qeyri-yaşayış binası – 2832, qeyri-yaşayış sahəsi – 8172, əmlak kompleksi – 667, çoxmərtəbəli yaşayış binası – 103 və çoxillik əkmələr üzərində – 3 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 91 min 917-si Bakı şəhərinin, digər hissəsi isə bölgələrin payına düşür.
Bu ilin yanvar-noyabr ayları ərzində 235 min 713 texniki pasport tərtib edilib, 56 min 948 ipoteka müqaviləsi qeydiyyata alınıb.
Bölmənin digər xəbərləri
