Bu il Türkiyə ərazisində 21 mindən çox yeraltı təkan qeydə alınıb
İstanbul, 17 avqust, AZƏRTAC
2020-ci il yanvarın 1-dən bu günədək Türkiyə ərazisində 21 min 549 yeraltı təkan qeydə alınıb.
AZƏRTAC xəbər verir ki, ərazisinin 92 faizi seysmik xətt üzərində olan Türkiyədə hər il minlərlə zəlzələ baş verir. Ötən il bu rəqəm 23 min 481 olub.
Bu il ölkə ərazisində ən güclü yeraltı təkan yanvarın 24-də 6,8 bal gücündə Elazığ vilayətinin Sivrice bölgəsində baş verib. Zəlzələ nəticəsində 41 nəfər həlak olub.
Ümumiyyətlə 2020-ci ilin ilk iki ayı ərzində Türkiyədə 10 min 770, avqust ayında isə 760 zəlzələ qeydə alınıb.
Yeraltı təkanların sıx meydana gəldiyi Türkiyə ərazisində 2000-ci ildən etibarən təbii fəlakətlərə qarşı məcburi sığortalanma aparılır. Hazırda ölkə üzrə bütün tikililərin 55,10 faizi sığortalanıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
