BU MÖVSÜMDƏ PAYTAXT SAKİNLƏRİNİN İSTİLİKLƏ TƏMİNATINDA PROBLEM OLMAYACAQDIR
“Azəristiliktəchizat” Açıq Səhmdar Cəmiyyətindən AZƏRTAC-a bildirmişlər ki, payız-qış mövsümündə paytaxt sakinlərinin istiliklə təminatında problemi olmayacaqdır.
Artıq mövcud qazanxana və istilik məntəqələrinin yenidən qurulması, müasirləşdirilməsi, qazanxanaların qaz təchizatının təmin edilməsi ilə bağlı işlər başa çatmaq üzrədir. Qurum qış mövsümünə hazırlıqla əlaqədar 55 məktəbdə, 44 uşaq bağçasında, 37 səhiyyə ocağında və 35 digər obyektdə 8 yeni qazanxana tikmiş, modul tipli 9 yeni qazanxana quraşdırmış, 9 qazanxananı isə müasir avadanlıqla təchiz etmişdir. 100-dən çox obyektin daxili istilik sistemi yenidən qurulmuş, bir sıra qazanxanaya yeni qaz xətti çəkilmiş, 1 istilik məntəqəsi təmir olunmuşdur.
Gələn il “Azəristiliktəchizat” paytaxtda 2050 yaşayış binasını, 176 məktəbi, 142 uşaq bağçasını, 72 səhiyyə ocağını və 141 digər obyekti istiliklə təmin etməyi nəzərdə tutur.
Bölmənin digər xəbərləri
