Bu müqəddəs ünvana gəlməyi özümə şərəf bilirəm
Bakı, 20 yanvar (AZƏRTAC). Azərbaycan xalqının tarixinə Qanlı Yanvar faciəsi kimi daxil olmuş hadisələrdən artıq 24 il ötür. İllər bir-birini əvəz etsə də, faciənin qurbanları heç vaxt unudulmayacaqlar.
Bu sözləri yanvarın 20-də qəhrəman Vətən övladlarının xatirəsini yad etmək üçün Şəhidlər xiyabanını ziyarətə gəlmiş Şəhərsalma və Arxitektura Komitəsinin əməkdaşı Elbrus Quliyev demişdir.
O, böyük qürur hissi ilə bildirmişdir ki, bu gün insan axınının səngimədiyi Şəhidlər xiyabanı paytaxtın ən yüksək nöqtələrindən biri olmaqla, hər bir azərbaycanlı üçün müqəddəs and yerinə çevrilmişdir.
Hər il yanvarın 20-də minlərlə insan Vətənin azadlığı və suverenliyi uğrunda canlarından keçmiş Azərbaycanın oğul və qızlarının əziz xatirəsini ehtiramla yad etmək üçün bu müqəddəs məkanı ziyarət edir. Mən də hər il bu müqəddəs ünvana gəlməyi özümə şərəf bilirəm.
Bölmənin digər xəbərləri
