Budapeştdə Dünya Azərbaycanlılarının Həmrəylik Günü qeyd olunub VİDEO
Budapeşt, 28 dekabr, AZƏRTAC
Azərbaycanın Macarıstandakı səfirliyində 31 Dekabr - Dünya Azərbaycanlılarının Həmrəylik Günü və Yeni il münasibətilə tədbir keçirilib. Səfirliyin təşəbbüsü və təşkilatçılığı ilə keçirilən tədbirdə Macarıstanda təhsil alan tələbələr, Azərbaycan diasporunun təmsilçiləri iştirak ediblər.
Səfir Vilayət Quliyev tədbirdə çıxış edərək Dünya Azərbaycanlılarının Həmrəylik Günü və Yeni il münasibətilə soydaşlarımızı təbrik edib. Diplomat ümummilli lider Heydər Əliyevin təşəbbüsü ilə təsis edilən Dünya Azərbaycanlılarının Həmrəylik Gününün respublikamızda və müxtəlif ölkələrdə geniş qeyd olunduğu, bu əlamətdar tarixin dünyanın 70-dən çox ölkəsində yaşayan həmvətənlərimiz arasında birliyin yaradılması və onların təşkilatlanması baxımından mühüm rol oynadığını diqqətə çatdırıb. O, ölkəmizin maraqlarının xaricdə müdafiə edilməsi, xüsusilə də Ermənistanın Azərbaycana qarşı zaman-zaman həyata keçirdiyi işğalçılıq və soyqırımı siyasətinin ifşa edilməsində həmvətənlərimizi, əsasən də xaricdə təhsil alan tələbələri fəal olmağa çağırıb və bu istiqamətdə səfirlik tərəfindən də lazımi dəstək göstərildiyini diqqətə çatdırıb.
Tədbir ziyafətlə başa çatıb.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
