Cari ildə neft qiymətlərində yuxarı istiqamətli dəyişmə sürəti məhdud çərçivədə qalacaq
Bakı, 13 yanvar, AZƏRTAC
ABŞ-ın Enerji İnformasiya Administrasiyasına (EIA) görə, 2021-ci ildə neft qiymətlərində yuxarı istiqamətli dəyişmə sürəti məhdud çərçivədə qalacaq.
AZƏRTAC EIA-ya istinadla xəbər verir ki, birdən çox COVID-19-a qarşı peyvəndin tətbiqi ilə artan iqtisadi bərpa gözləntiləri fonunda “Brent” markalı xam neftin qiyməti ötən ilin dekabr ayında orta hesabla 50 dollar/barrelə yüksəldi. Bu il yanvar ayının əvvəlində Səudiyyə Ərəbistanının fevral və mart aylarında neft hasilatını aylıq 1 milyon barrel azaldacağını açıqlaması ilə “qara qızıl”ın qiyməti son 10 aydakı ən yüksək səviyyəyə qalxdı. Qlobal neft ehtiyatları və tədarük bolluğunun yüksək olması səbəbindən 2021-ci ildə neft qiymətlərində yuxarı istiqamətli dəyişmə sürətinin məhdud çərçivədə qalacağı gözlənilir.
Bölmənin digər xəbərləri
