Cari ildə ölkədə 340 min tonadək dizel yanacağı istehsal olunub
Bakı, 27 mart, AZƏRTAC
Yanvar-fevral aylarında Azərbaycanda 339,4 min ton dizel yanacağı, 199,9 min ton avtomobil benzini, 53,7 min ton neft-kimya sənayesində istifadə üçün benzin, 103,5 min ton ağ neft, 9,7 min ton yanacaq mazutu, 2,4 min ton sürtkü yağları, 24,3 min ton neft bitumu və 40 min ton neft koksu istehsal edilib.
Dövlət Statistika Komitəsindən AZƏRTAC-a verilən məlumata görə, 2 ayda neft məhsullarının istehsalı sahəsində istehsalın ümumi dəyəri 461,1 milyon manat olmaqla əvvəlki ilin eyni ayları ilə müqayisədə 0,2 faiz artıb.
Neft məhsullarından avtomobil benzininin istehsalı 4,6 faiz, yanacaq mazutunun istehsalı 21,8 faiz azalıb. Dizel yanacağının, ağ neftin, neft-kimya sənayesində istifadə üçün benzinin istehsalı isə çoxalıb.
Bölmənin digər xəbərləri
