Cari ilin aprelində ölkə ərazisinin 25 faizi şiddətli quraqlığa məruz qalıb
Bakı, 1 dekabr, AZƏRTAC
Ölkə üzrə quraqlıq səviyyəsinin qiymətləndirilməsi məqsədilə çoxillik optik peyk təsvirləri əsasında monitorinq aparılıb.
AZƏRTAC xəbər verir ki, bu sözləri Azərkosmosun məsafədən zondlama üzrə aparıcı mütəxəssisi İsmət Baxışov “Azərbaycan Respublikasında peyk vasitəsilə Yerin məsafədən müşahidəsi xidmətlərinin inkişafına dair 2019-2022-ci illər üçün Dövlət Proqramı”nın nəticələrinə həsr olunmuş konfransda deyib.
O bildirib ki, 22 illik peyk təsvirləri əsasında ölkənin bitki örtüyündə baş verən nisbi dəyişikliklər qiymətləndirilib: “Nəticələrə əsasən, 2020-ci ildə çox şiddətli quraqlığa məruz qalmış ərazilər aprel ayında, 2021-ci ildə isə oktyabr ayında qeydə alınıb. Cari ildə layihənin icrası davam edir".
İ.Baxışov söyləyib ki, ümumilikdə aprel ayında ölkə ərazisinin 2020-ci ildə 20 faizi, 2021-ci ildə 3 faizi, 2022-ci ildə isə 25 faizi şiddətli quraqlığa məruz qalıb.
Bölmənin digər xəbərləri
