Cari ilin birinci yarısında Gürcüstanda 2270 yol-nəqliyyat hadisəsi qeydə alınıb
Tbilisi, 24 avqust, AZƏRTAC
Cari ilin birinci yarısında Gürcüstanda 2270 yol-nəqliyyat hadisəsi qeydə alınıb. Nəticədə 203 nəfər dünyasını itirib. Onların arasında uşaqlar da olub.
AZƏRTAC xəbər verir ki, bu barədə Gürcüstanın Daxili İşlər Nazirliyi məlumat yayıb.
Bildirilir ki, bu qəzalarla əlaqədar cinayət işləri başlanıb. Avtomobil qəzalarının yarısı paytaxt Tbilisidə qeydə alınıb.
Nazirliyin məlumatında bildirilib ki, yarım ildə qeydə alınmış qəzalarda 245-i uşaq olmaqla 2982 nəfər xəsarət alıb. Hesabat dövründə avtomobillərin dinc əhalinin üstünə sürülməsi halları ilə bağlı 549 fakt qeydə alınıb. Nəticədə 517 nəfər xəsarət alıb, 48 nəfər ölüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
