“Caspian Agro” sərgisində innovasiyaların tətbiqi sahəsində fəaliyyət göstərən şirkətlər üstünlük təşkil edir
Bakı, 17 may, AZƏRTAC
Müasir dünyada kənd təsərrüfatının inkişafını yeni texnologiyaların tətbiqi olmadan təmin etmək mümkün deyil. Bu səbəbdən də bu gün keçirilən sərgidə kənd təsərrüfatında innovasiyaların tətbiqi sahəsində fəaliyyət göstərən şirkətlər daha çoxdur.
AZƏRTAC xəbər verir ki, bu sözləri Azərbaycanın kənd təsərrüfatı naziri Məcnun Məmmədov Bakıda keçirilən 16-cı Azərbaycan Beynəlxalq Kənd Təsərrüfatı “Caspian Agro” və 28-ci Azərbaycan Beynəlxalq Qida Sənayesi “InterFood Azerbaijan” sərgilərinin açılış mərasimindəki çıxışında deyib. Nazir bildirib ki, sərgidə iştirak edən şirkətlərin 71 faizi xaricdən gəlib. Bu şirkətlər öz məhsullarını nümayiş etdirməklə yanaşı, Azərbaycanda fəaliyyət göstərən şirkətlərlə əlaqələr quracaq və innovasiyaların tətbiqini daha da genişləndirəcəklər.
“Azərbaycan dövləti kənd təsərrüfatı sahəsində fəaliyyət göstərən şirkətlərin yeni texnologiyalar əsasında çalışmalarını dəstəkləyir və bugünkü sərgi buna nümunədir”, - deyə o əlavə edib.
Bölmənin digər xəbərləri
