Cənubi Afrika Respublikasında məktəb mikroavtobusunun qəzaya uğraması nəticəsində 13 nəfər ölüb
Bakı, 10 iyul, AZƏRTAC
Cənubi Afrikanın Yohannesburq yaxınlığında Merafonq ərazisində mikroavtobusun başqa bir avtomobillə toqquşması nəticəsində 13 nəfər ölüb.
AZƏRTAC “Barrons” saytına istinadla xəbər verir ki, ölənlərin 12-si şagird olub. Yohannesburqun Gautenq əyalətinin rəsmiləri mikroavtobusun sürücüsünün də həlak olduğunu, daha yeddi məktəblinin yaralandığını bildirib.
Yaralılar xilasetmə nümayəndələri tərəfindən dərhal xəstəxanaya çatdırılıb.
Hadisə ilə bağlı araşdırmalara başlanılıb.
Bölmənin digər xəbərləri
