Cənubi Afrika Yerli Hökuməti Assosiasiyası: Müasir şəhərlərin inkişafında yaşıl enerjinin rolu artmaqdadır
Bakı, 17 may, AZƏRTAC
Hazırda müasir şəhərlərin inkişafında yaşıl enerjinin rolu getdikcə artmaqdadır.
Bu sözləri AZƏRTAC-a açıqlaması zamanı Cənubi Afrika Yerli Hökuməti Assosiasiyasının (SALGA) baş icraçı direktoru Sithole Mbanga deyib.
O bildirib ki, hökumət, eləcə də bələdiyyələr və əyalətlərin özəl sektorla birlikdə irəli sürdüyü təşəbbüslərdən biri də məhz karbonlaşdırılmış enerji növündən uzaqlaşaraq yeni enerjiyə - yaşıl enerjiyə sahib olmaqdır.
“Biz bu istiqamətlərdə subsidiyalar, təşəbbüsləri maliyyələşdirmə üsullarını müəyyənləşdirmişik. Artıq bir sıra bələdiyyələr bu vəsaitlərə çıxış əldə etmək, yaşıl enerjiyə keçidlə bağlı satınalma və innovasiyalarla məşğul olmaq üçün milli hökumətə, Energetika Departamentinə müraciət edirlər”, - deyə o əlavə edib.
Bölmənin digər xəbərləri
