Çempionlar liqası: “Sabah”ın rəqibləri ilk oyunlarına çıxıb
Bakı, 9 sentyabr, AZƏRTAC
UEFA Çempionlar Liqasının əsas mərhələsində I turun ikinci oyun gününün ilk iki qarşılaşması başa çatıb.
AZƏRTAC xəbər verir ki, İspaniyanın “Barselona” klubu öz meydanında Niderland təmsilçisi “Feyenoord”u qəbul edib. Meydan sahibləri rəqiblərini 5:1 hesabı ilə darmadağın ediblər. Kataloniya təmsilçisinin heyətində Rafinya dubl edib, digər qolları isə Karim Adeyemi, Lamin Yamal və sonradan oyuna daxil olan Qabriel Jezus vurublar. Qonaqların təsəlli qoluna isə Sem Steyn imza atıb.
Paralel keçirilən digər qarşılaşmada Almaniyanın “Ştutqart” komandası Norveçin “Vikinq” klubuna 3:1 hesabı ilə qalib gəlib. "Ştutqart"ın qələbəsində əsas pay sahibi olan Ermedin Demiroviç hett-rikə imza atıb. Qonaqların yeganə cavab qolunu isə Zlatko Tripiç vurub.
Qeyd edək ki, günün digər matçlarında "Liverpul" "Atletiko" ilə, "Napoli" "Arsenal"la, PSJ "Slovan"la, "Qalatasaray" isə "Sportinq"lə qarşılaşacaq. Turun sonuncu görüşləri sentyabrın 10-da keçiriləcək. Azərbaycan çempionu “Sabah” həmin gün İngiltərədə “Mançester Yunayted”lə üz-üzə gələcək.
Bölmənin digər xəbərləri
