Çin ilə iqtisadi tərəfdaşlıq imkanları və perspektivlər müzakirə edilib
Bakı, 7 oktyabr, AZƏRTAC
İxracın və İnvestisiyaların Təşviqi Agentliyində (AZPROMO) Çin Xarici İnkişaf Assosiasiyasının prezidenti He Jenveyin rəhbərlik etdiyi Çin nümayəndə heyəti ilə görüş keçirilib.
AZPROMO-dan AZƏRTAC-a bildirilib ki, görüş zamanı agentliyin icraçı direktorunun müavini Tural Hacılı qurumun fəaliyyət istiqamətləri və 1-ci Azərbaycan Beynəlxalq İnvestisiya Forumunun yekunlarına dair məlumat verib.
Çin tərəfi forumun yüksək səviyyədə təşkil olunmasını bildirərək, gələcəkdə belə təşəbbüslərdə daha geniş heyətlə iştirak etmək niyyətində olduqlarını diqqətə çatdırıb.
Görüş çərçivəsində ikitərəfli iqtisadi əməkdaşlığın daha da genişləndirilməsi, assosiasiya və tərkibinə daxil olan şirkətlərlə işgüzar əlaqələrin qurulması perspektivləri müzakirə edilib, qurumlar arasında əməkdaşlığın hüquqi çərçivəsinin müəyyən edilməsi üzrə təkliflər irəli sürülüb.
Bölmənin digər xəbərləri
