Çin polad ixracı qaydalarını dəyişir
Bakı, 13 dekabr, AZƏRTAC
Dünyanın birinci polad istehsalçısı olan Çin gələn ildən etibarən bu məhsulun ixracını müəyyən çərçivəyə salmaq istəyir.
AZƏRTAC xəbər verir ki, bu barədə Çinin Ticarət Nazirliyi məlumat yayıb. Yanvarın 1-dən etibarən 300 adda qara metal məhsulunun ixracı üçün sertifikat və ixrac lisenziyası tələb olunacaq.
Nazirlik bildirir ki, yeni qərar bazardakı tələb və təklif nisbətini tarazlamağa xidmət edir.
Statistikaya görə, cari ilin 11 ayı ərzində Çin 107,8 milyon ton polad istehsal edib. Bu da 2024-cü illə müqayisədə 6,7 faiz çoxdur.
Bölmənin digər xəbərləri
