Çində vəhşi pandaların sayı artır
Bakı, 26 yanvar, AZƏRTAC
Artıq bir neçə ildir ki, Çində pandaların sayında artım müşahidə edilir.
AZƏRTAC xəbər verir ki, Çinin meşə təsərrüfatı idarəsi hazırda vəhşi təbiətində təxminən 1900 pandanın olduğunu təxmin edir.
Hesablamalara görə, 1974-1977-ci illər arasında ölkədə 2459 panda ayısı olduğu halda 1980-ci illərdə onların sayı kəskin azalaraq 1114-ə düşmüşdü. 1999-2003 və 2011 və 2014-cü illər arasında aparılan araşdırmalar zamanı pandaların sayının artdığı məlum olub.
Bambukla qidalanan panda ayıları əsasən Çinin cənub-qərbindəki Sıçuan əyalətinin dağlıq meşələrində yaşayır. Pekin endemik ayıları başqa ölkələrə pul müqabilində icarəyə verir.
Hazırda Çindən kənarda 56 panda var. Xaricdə doğulan pandalar adətən ÇXR-ə qaytarılır.
Bölmənin digər xəbərləri
