Çingiz Hüseynzadə: Ölkəmizdə xizək alpinizmi üzrə yüksək səviyyəli yarışın keçirilməsi sevindiricidir
Qusar, 9 mart, AZƏRTAC
Sevindirici haldır ki, Azərbaycanda ilk dəfə bu kateqoriyada yüksək səviyyəli yarış keçirilir.
AZƏRTAC xəbər verir ki, bu sözləri Milli Olimpiya Komitəsinin vitse-prezidenti Çingiz Hüseynzadə “Şahdağ” Beynəlxalq Xizək Alpinizmi yarışı ilə bağlı jurnalistlərə açıqlamasında deyib.
Xizək alpinizminin olimpiya idman növlərinə əlavə olunduğunu diqqətə çatdıran Ç.Hüseynzadə əlavə edib: "Ölkəmiz bu yarışda geniş heyətlə təmsil olunur. Komandamızda yerli idmançılar çoxluq təşkil edir. Qış idman növlərində Azərbaycanın nəticələri hələlik zəifdir. Ümidvaram ki, belə turnirlərin təşkili ilə Azərbaycanda bu idman növləri inkişaf edəcək və daha yüksək nəticələr qazanacağıq”.
Bölmənin digər xəbərləri
