CNN: ABŞ Hörmüz boğazında İran hədəflərinə zərbələr endirməyi araşdırır
Bakı, 24 aprel, AZƏRTAC
ABŞ ordusu Hörmüz boğazında İran hədəflərinə zərbələr endirmək planlarını nəzərdən keçirir.
AZƏRTAC xəbər verir ki, bu barədə CNN telekanalı məlumat yayıb.
Mənbələrin bildirdiyinə görə, İslam Respublikasına məxsus mina yerləşdirən gəmilər və sürətli hücum qayıqları mümkün hədəflər sırasındadır. ABŞ ordusu, həmçinin Hörmüz boğazı, Oman körfəzi və Körfəzin cənub hissəsində əməliyyatlar aparmağı dəyərləndirir. CNN-in qeyd etdiyi kimi, hərbi əməliyyatların ilk ayında ABŞ əsasən boğazdan uzaq hədəflərə zərbələr endirsə də, yeni strategiya zərbələrin strateji əhəmiyyətli su yollarına yönəldilməsini nəzərdə tutur.
Telekanalın mənbələri əlavə edib ki, ABŞ ordusu İranı danışıqlar masasına gətirmək məqsədilə ikili təyinatlı obyektlərə və enerji infrastrukturuna zərbələr endirməyi də istisna etmir.
Digər mümkün ssenari isə ABŞ-nin danışıqlarda iştirakın əleyhinə olan İran hərbi komandirləri və rəsmilərinə qarşı hədəfli zərbələr endirməsidir.
Bölmənin digər xəbərləri
