CORC BUŞ MİLLƏTİ XARİCİ DİLLƏRİ ÖYRƏNMƏYƏ ÇAĞIRIR
Buş vurğulamışdır ki, xarici dillərin öyrənilməsi digər xalqları beynəlxalq terrorizmlə mübarizəyə cəlb etmək üçün, habelə dünyada azadlıq və demokratiyanın təbliği üçün zəruridir. O demişdir: “Amerikalılar xarici dillərdə, məsələn, ərəb dilində danışmağı öyrəndikdə ərəb dünyasındakı adamlar deyəcəklər: “İlahi, Amerika bizimlə maraqlanır. Onlar da bizim kimi danışmağa çalışırlar!”.
Prezidenti dövlət katibi Kondoliza Rays da dəstəkləmişdir: “Bu gün Amerika başqa mədəniyyətin ölkələri ilə insan və ideyalar mübadiləsinin qaydaya salınması üçün, onların dillərini və adətlərini öyrənmək üçün lazımi intellektual investisiyalar etmir. Halbuki, biz “soyuq müharibə” illərində belə investisiyalar edirdik”.
Buş ABŞ-da xarici dillərin öyrənilməsi proqramının həyata keçirilməsinə 2007-ci ildə 114 milyon dollar ayrılacağına söz vermişdir. O vurğulamışdır ki, təkcə Təhsil Departamenti deyil, Müdafiə Nazirliyi, Dövlət Departamenti, habelə milli kəşfiyyat birliyi də pul alacaqlar.
Bölmənin digər xəbərləri
