COVID-19-un ikinci dalğası Latviyada ümumi daxili məhsulu 9 faiz azalda bilər
Riqa, 20 avqust, AZƏRTAC
Latviya Maliyyə Nazirliyi bu il ölkənin ümumi daxili məhsulunun (ÜDM) 7 faiz, koronavirusun ikinci dalğasının baş verəcəyi təqdirdə isə 9 faiz azala biləcəyini proqnozlaşdırır.
AZƏRTAC ölkə mətbuatına istinadla xəbər verir ki, nazirlik tərəfindən hazırlanmış ölkənin 2021-ci il üzrə büdcəsinin və 2021-2023-cü illər üçün ortamüddətli büdcənin əsasını təşkil edəcək makroiqtisadiyyatın inkişafına dair ssenari nəzərdən keçirilib.
Əsas ssenaridə böhranın təsiri ilə ixracın, investisiyaların və özəl xərclərin azalması səbəbindən ÜDM-in 7 faiz aşağı düşməsi proqnozlaşdırılır. 2021-ci ildə iqtisadi artımın yenidən bərpa olunacağı və ümumi daxili məhsulun 5,1 faiz, 2022-2023-cü illərdə isə 3,1 faiz artacağı ehtimal edilir.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
