Culian Assanjın girov müqabilində sərbəst buraxılması üçün müraciəti rədd edilib
London, 9 yanvar, AZƏRTAC
“WikiLeaks”in qurucusu Culian Assanjın girov müqabilində sərbəst buraxılması üçün müraciəti rədd edilib.
AZƏRTAC xəbər verir ki, London Mərkəzi Cinayət Məhkəməsinin hakimi Vanessa Baraytser C.Assanjın təcrid olunmuş kamerada olduğu Belmarş həbsxanasında qalmasına qərar verib.
Hakim Baraytser, Assanjın qaçma riskinin olduğunu iddia edib.
Qeyd edək ki, yanvarın 4-də London Mərkəzi Cinayət Məhkəməsi Culian Assanjın ekstradisiyası barədə ABŞ hakimiyyətinin sorğusuna rədd cavabı vermişdi.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
