DAİMİ KOMİSSİYALARIN BİRGƏ İCLASINDA
AZƏRTAC xəbər verir ki, Milli Məclisin insan hüquqları, hüquq siyasəti və dövlət quruculuğu məsələləri daimi komissiyalarının martın 15-də keçirilmiş birgə iclasında “İnsan hüquqlarının və əsas azadlıqlarının müdafiəsi haqqında” Konvensiyanın 14 saylı Protokolunun təsdiq edilməsi barədə”, “Korrupsiyaya qarşı mübarizə ilə əlaqədar Azərbaycan Respublikasının bəzi qanunvericilik aktlarına əlavələr və dəyişikliklər edilməsi haqqında” və “Vəzifəli şəxslər tərəfindən maliyyə xarakterli məlumatların təqdim edilməsi Qaydaları”na əlavələr edilməsi barədə” qanun layihələri müzakirə olunmuşdur.
İnsan hüquqları daimi komissiyasının sədri Rəbiyyət Aslanova demişdir ki, Protokolun təsdiqi Azərbaycanda insan hüquq və azadlıqlarının qorunmasında, hakimlərin səlahiyyətlərinin müəyyən edilməsində, bəzi qanunlarımızın təkmilləşdirilməsində mühüm rol oynayacaqdır.
Bu sənədin Azərbaycanın milli maraqlarına cavab verdiyi vurğulanmış və o, təsdiqlənmək üçün Milli Məclisin müzakirəsinə çıxarılmışdır.
Sonra digər layihələrə baxılmış və müvafiq qərar qəbul edilmişdir.
Bölmənin digər xəbərləri
