DÇ-2026: İngiltərə millisi Panamaya qalib gələrək qrup birincisi olub
Bakı, 28 iyun, AZƏRTAC
Futbol üzrə dünya çempionatının qrup mərhələsinin oyunları davam edir.
AZƏRTAC xəbər verir ki, L qrupunun III turu çərçivəsində İngiltərə və Panama yığmaları qarşılaşıb. "Nyu-York/Nyu-Cersi" stadionunda baş tutan görüş Avropa təmsilçisinin 2:0 hesablı qələbəsi ilə yekunlaşıb.
Matçda hesab 62-ci dəqiqədə açılıb, İngiltərə millisinin yarımmüdafiəçisi Cud Bellinqem fərqlənib. Bu qoldan 5 dəqiqə sonra – qarşılaşmanın 67-ci dəqiqəsində Harri Keyn rəqib qapısına yol taparaq komandasının üstünlüyünü möhkəmləndirib.
Bu qələbə sayəsində xallarının sayını 7-yə çatdıran Tomas Tuxelin rəhbərlik etdiyi kollektiv L qrupunu birinci sırada tamamlayaraq pley-off mərhələsinə vəsiqə qazanıb.
Bölmənin digər xəbərləri
