Bakı, 19 sentyabr, AZƏRTAC

Azərbaycan Respublikası Elm və Təhsil Nazirliyinin Dendrologiya İnstitutu ilə Türkiyənin Ərzurum Texniki Universiteti arasında əməkdaşlıq müqaviləsi imzalanıb.

İnstitutdan AZƏRTAC-a bildirilib ki, sənəddə tərəflərin birgə tədqiqatı, akademik mobillik üzrə tələbə və müəllim heyətinin mübadiləsi, alimlərin konfrans, simpozium və mühazirələrə dəvət edilməsi, eləcə də akademik material və nəşrlərin mübadiləsi nəzərdə tutulur.