Deputat: Yeni güzəşt mexanizmi qeyri-neft-qaz ixracının artmasına imkan verəcək
Bakı, 21 avqust, AZƏRTAC
İxracla məşğul olan sahibkarların dövlət tərəfindən dəstəklənməsi davam etdirilir və bu sahədə yeni addımlar atılmaqdadır. İxracla məşğul olan sahibkarların gömrük rəsmiləşdirilməsi xərcləri sentyabr ayından etibarən dövlət tərəfindən kompensasiya olunacaq. Digər tərəfdən isə yükdaşımalar da nəqliyyat xərcləri yerli daşımalar Azərbaycanda qeydiyyatdan keçmiş avtomobillərdən istifadə olduğu halda 70 faizə qədəri, digər ölkələrin avtomobillərindən istifadə olunduğu halda isə 50 faizi geri qaytarılacaq.
Bu sözləri AZƏRTAC-a deputat Vüqar Bayramov deyib.
“Bu, sahibkarlığın dəstəklənməsi baxımından çox vacibdir. Məqsəd mikro, kiçik və orta sahibkarlığın daha yaxından dəstəklənməsi və qeyri-neft-qaz ixracatının artırılmasıdır. Çünki əsas məqsədlərdən biri ümumi ixracatda qeyri-neft-qaz sektorunun payının artırılmasına nail olmaqdan ibarətdir. Artıq sentyabrın 1-dən tətbiq olunacaq yeni güzəşt mexanizmi, təşviq alətləri Azərbaycanın qeyri-neft-qaz ixracatının mərhələli şəkildə artmasına gətirib çıxaracaq”, - deyə deputat qeyd edib.
Bölmənin digər xəbərləri
