CƏMİYYƏT
DİN: Ötən gün ölümlə nəticələnən iki yol-nəqliyyat hadisəsi baş verib
![DİN: Ötən gün ölümlə nəticələnən iki yol-nəqliyyat hadisəsi baş verib](/files/2023/2/1200x630/1684304146194473106_1200x630.jpg)
Bakı, 17 may, AZƏRTAC
Mayın 16-da ölkə ərazisində qeydə alınan 91, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Axtarışda olduğuna görə ümumilikdə 132, o cümlədən borclu şəxs qismində axtarılan 115 nəfər saxlanılaraq aidiyyəti üzrə təhvil verilib.
Respublikanın avtomobil yollarında ölümlə nəticələnən iki yol-nəqliyyat hadisəsi baş verib, nəticədə üç nəfər ölüb.
Narkotiklərlə əlaqəli 30, qanunsuz saxlanılan silah-sursatın götürülməsi və aşkarlanması ilə bağlı bir fakt müəyyənləşdirilib.
Cinayət törətməkdə şübhəli bilinən 50 nəfər saxlanılıb.