DiVi ŞİRKƏTİ PLAZMALI TELEVİZORLAR TƏQDİM EDİR
AZƏRTAC-ın müxbiri xəbər verir ki, iyunun 22-də “Hyatt Regency-Naxçıvan” mehmanxanasında “Pioneer” şirkəti və onun rəsmi nümayəndəsi olan DiVi-nin təşəbbüsü ilə televizor istehsalının son nailiyyəti olan plazmalı televizorların və eləcə də kompüter texnologiyasının yeni məhsulu - rayterlərin təqdimat mərasimi keçirilmişdir.
Şirkətlərin nümayəndələri təqdim olunan məhsulların çeşidi və texniki imkanları barədə məlumat vermişlər. Qeyd edilmişdir ki, yeni plazmalı televizorlar təsvirin yüksək keyfiyyəti və dəqiqliyi ilə fərqlənir. Yeni rayterlərin və disklərin üstünlüyü isə onların çoxtutumlu olmasıdır.
Təqdim olunan məhsullar maraqla qarşılanmışdır.
Bölmənin digər xəbərləri
