DNESTRYANI BÖLGƏNİN SEPARATÇI REJİMİ MİLİSİNİN QANUNSUZ HƏRƏKƏTLƏRİ

17.08.2004 [19:56]
Çap et
A⁺ A^-

AZƏRTAC-ın Kişinyov müxbiri Moldovanın “BASA-press” agentliyinə istinadla xəbər verir ki, sülhüqoruma qüvvələrinin hərbi müşahidəçiləri Dnestryanı bölgədə dərslərin moldav dilində keçirildiyi məktəblərin məcburi surətdə bağlanmasının qarşısını almaq üçün bu məktəbləri nəzarətdə saxlayırlar.

ATƏT nümayəndə heyətinin hərbi eksperti, polkovnik Yan Nadolskinin sözlərinə görə, bölgənin milisi məktəblərin bağlanması üçün indiyədək heç bir cəhd göstərməmişdir. Lakin ATƏT nümayəndəsi bildirmişdir ki, Dnestryanı milislər Benderı şəhərindəki yetim uşaqlar üçün internat məktəbə girişi tutmaqda davam edirlər.

Polkovnik Yan Nadolski demişdir: “Şənbə və bazar günləri biz Moldova polisləri və sülhüqoruma qüvvələrinin müşahidəçiləri ilə birlikdə növbədə olmuşuq. Bizə internata daxil olmağa icazə vermədilər. İndi binada olan uşaqlara ərzaq və su verilməsi imkanı yerli hökumətin nümayəndələri ilə müzakirə edilir”.

AZƏRTAC-ın xəbər verdiyi kimi, Dnestryanı bölgənin separatçı rejimi tədris prosesi latın qrafikası əsasında moldav dilində aparılan məktəblərin bu il iyulun 1-dən bağlanması haqqında sərəncam vermişdir.

DNESTRYANI BÖLGƏNİN SEPARATÇI REJİMİ MİLİSİNİN QANUNSUZ HƏRƏKƏTLƏRİ

MÜƏLLİFLƏ ƏLAQƏ

Bölmənin digər xəbərləri