Donald Tramp ABŞ-da “Alibaba” şirkətinin fəaliyyətinə qadağa qoyulacağını istisna etməyib
Bakı, 16 avqust, AZƏRTAC
ABŞ Prezidenti Donald Tramp bildirib ki, Çinin “Alibaba” şirkətinin fəaliyyətinə ABŞ-da mümkün qadağa qoyulması məsələsini öyrənir.
AZƏRTAC RİA Novosti saytına istinadla xəbər verir ki, ABŞ Prezidenti bu fikri Nyu-Cersi ştatının Bedminster şəhərində jurnalistlərin suallarını cavablandırarkən söyləyib.
Mətbuat konfransı Ağ evin saytında canlı yayımlanıb.
Çinin ən böyük internet şirkəti “Alibaba Group” 1999-cu ildən elektron kommersiya sahəsində çalışır. Qrupa, həmçinin bir neçə törəmə şirkət və internet məkanı, o cümlədən “Alibaba.com”, “AliExpress.com”, “Taobao.com”, “Tmall.com” məxsusdur.
Bölmənin digər xəbərləri
