Doqquz ayda elektrik enerjisinin ixracı 1,8 milyon kilovat-saat olub
Bakı, 17 oktyabr, AZƏRTAC
2023-cü ilin yanvar-sentyabr ayları üzrə respublikada elektrik enerjisinin ixracı 1 841,8 milyon kilovat-saat, idxalı isə 179,6 milyon kilovat-saat olub.
Energetika Nazirliyindən AZƏRTAC-a bildirilib ki, cari ilin sentyabr ayında respublika üzrə elektrik enerjisinin istehsalı 2 293,4 milyon kilovat-saat olub. Həmin ayda elektrik enerjisinin idxalı 10,3 milyon kilovat-saat, ixrac isə 313,4 milyon kilovat-saat təşkil edib.
Qeyd edək ki, 2022-ci ilin müvafiq dövründə elektrik enerjisinin ixracı 1,8 milyard kilovat-saat, idxalı isə 104,9 milyon kilovat-saat olub.
Bölmənin digər xəbərləri
