Dörd ayda Mərkəzi Bankın valyuta ehtiyatları 10 faizdən çox artıb
Bakı, 6 may, AZƏRTAC
Cari ilin ötən dövründə valyuta bazarında təklif tələbi üstələyib ki, bu da həm nağd, həm də qeyri-nağd seqmentlərdə özünü göstərir.
AZƏRTAC xəbər verir ki, bu barədə Mərkəzi Bankın uçot dərəcəsi və faiz dəhlizinin parametrlərində qeyd olunub.
Məlumata əsasən, ilkin rəqəmlərə görə 2026-cı ilin 4 ayında mübadilə şöbələri tərəfindən nağd xarici valyutanın alışı satışını 190 milyon dollar üstələyib.
Qeyd olunub ki, rezident fiziki şəxslərin əmanətlərinin dollarlaşma səviyyəsinin son 12 ayda 2,1 faiz bəndi azalaraq 2026-cı ilin martında 28 faizə enməsi məzənnə ilə bağlı gözləntilərin nikbin olduğunu göstərir. Xüsusilə aprel ayında keçirilən valyuta hərraclarında bankların tələbinin əhəmiyyətli azalması nəticəsində valyuta bazarında təklif artıqlığı yaranıb və Mərkəzi Bank tərəfindən alışyönlü müdaxilə həyata keçirilib. Cari ilin 4 ayında Mərkəzi Bankın valyuta ehtiyatları 10,2 faiz artaraq 12,7 milyard dollara çatıb.
Bölmənin digər xəbərləri
